CANDONI – Diretso sa ospital ang isa ka 43-anyos nga laborer matapos ginbuno gamit ang flat screw driver sa Sitio Cantacson, Brgy. Caningay, banwa sang Candoni.
Base sa report sang Candoni Municipal Police Station, takna las-2:40 sang hapon sang Domingo, Hulyo 16, 2023, yara sa impluwensya sang makahulubog nga ilimnon ang mamumugon nga ginkilala kay Reynold Pabile, 43-anyos, may asawa, kag residente sang nasambit nga lugar.
Hinali nga gin-atake ni Pabile si Fritz Joan Galan, 43-anyos man nga laborer kag residente man sang nasambit nga sitio.
Apang nagbalos si Galan kag ginbuno sini si Pabile sang makapila ka bes gamit ang flat screw driver.
Gilayon nga nagpalagyo si Galan sa wala mahibaluan nga direksyon samtang nagapadayon ang hot pursuit operation sang kapulisan.
