Nagdangat na sa 118 ka tawo ang naga-antos sa heat exhaustion bangud sa tuman kaapang nga panahon sini nga Marso, suno sa pahayag sang Department of Health sini nga Martes, Abril 4.
Gindeklarar sang Philippine Atmospheric, Geophysical and Astronomical Services Administration (PAGASA) ang pagsugod sang dry season sadtong tinalikdan nga bulan.
Sa isa ka press briefing, ginpahayag ni DOH officer-in-charge Maria Rosario Vergeire nga 33 ka tawo halin sa apat ka high schools sa Valenzuela City ang naka-eksperensya sang heat exhaustion sadtong Marso 9.
Samtang, nag-antos man ang 85 ka mga estudyante sa Cabuya, Laguna sa heat exhaustion sadtong Marso 24.
Pila sa mga senyales kag sintoma sang heat exhaustion amo ang paglingin sang ulo, pagsuka, kag pagsakit sang ulo.
Dugang pa ni Vergeire nga ang heat exhaustion ang posible magtuga sang heat stroke kun napabay-an ini kag wala mahatagan sang pauna nga pagbulong.
Ginakabig ang heat stroke bilang pinakamalala nga sahi sang heat illness.*
