Trending karon sa social media ang isa ka grupo sang content creators nga nag-prank sang sunog sini nga April Fools’ Day.
Base sa video, nag-gamit ang vlogger sang ‘pyrotechnics’ para mapapati ang iya pamilya nga may sunog sa sulod sang ila balay.
Gin-bash ini sang pila ka mga netizens bangud indi ini manami nga prank kag basi sundon man ini sang mga bata nga makalantaw, nga posible magtuga sang aksidente.
Makita man ang pag-panic sang mga tawo sa video nga posible magtuga sang stress sa mga nangin biktima na sang sunog.
Madumduman nga sini nga Abril 1 man, 12 oras antes ma-post ang viral video, nagpahanumdom na ang Bureau of Fire Protection nga indi maghimo sang prank angut sa sunog.
“Let us celebrate April Fools’ Day without causing mental or emotional harm to others. It is not difficult to be kind to others,” suno sa BFP.
Nakasaad sa Section 8 sang Republic Act No. 9514 ukon ang “Fire Code of the Philippines”, nga ginadumilian ang paghatag sang false ukon malicious fire alarms.
Sa karon ang nasambit nga Facebook video ang may yara na sang 11 million views, 1 million reactions, kag 10,000 shares.*
