Naka-heightened alert na karon ang tanan nga unit sang Philipine National Police (PNP) agud masiguro ang seguridad sini nga Holy Week.
Ini ang ginpahayag ni PNP Officer in Charge, Deputy Chief for Administration Police Lt. Gen. Rhodel Sermonia kun sa diin masobra 77,000 ka mga police personnel ang ginpalapta sa ma-tawo nga lugar agud mahatagan sang seguridad ang mga deboto, mangin ang mga nagalagaw kag nagabakasyon.
Ang heightened alert status ang epektibo na sumugod las 8 sang aga sang Domingo, Abril 2 kag magadugay ini tubtob las 8 sang aga sa Abril 11.
Ginaselebrar ang Holy Week kada tuig, rason nga kinahanglan masiguro nga wala sang kremin nga matabo.
Una na nga ginpahayag ni PNP Spokesperson Col. Jean Fajardo nga wala naman sang may nabataon nga pagpamahog ang PNP karon.
Bangud diri, ginsiling ni Sermonia nga nagdihon ini sang mga red teams nga maga-inspeksyon sa deployment sang mga pulis.*
