(Paandam: graphic content)
Indi magnubo sa 12 ang patay kag ginatos ang pilason sa nagluntad nga stampede sa Cuscatlán Stadium sa El Salvador sang Domingo, Mayo 21, 2023 (Philippine time).
Nagresulta sa stampede ang pagtilipon sang mga tumalan-aw sang ginahiwat nga local tournament sa San Salvador, kapital sang El Salvador nga sakop sang Central America.
Base sa report sang mga otoridad, madamo nga fans ang nagpilit nga magsulod sa stadium bisan ginsirado na ang gates.
Ginpaiway naman ang hampang sa tunga sang Alianza kag FAS bangud sa nagluntad nga insidente.
Suno kay Luis Alonso Amaya sang Civil Protection sang El Salvador, ginabulubanta 500 ka mga tawo ang nahatagan sang ‘medical treatment’ lakip ang mga kabataan nga nakaangkon man sang “multiple traumas”.
Dugang pa ni Health Minister Francisco Alabi, yara na sa ‘stable condition’ ang kalabanan sa mga biktima.
Ginpahayag naman ni President Nayib Bukele nga magapatigayon sang “exhaustive investigation” angut sa nasambit nga stampede.
“It was an avalanche of fans who overran the gate. Some were still under the metal in the tunnel. Others managed to make it to the stands and then to the field and were smothered,” paglaragway sang isa ka volunteer sang Rescue Commandos.
