.Gin pahayag ni City Administrator Em Ang nga kapin 1,200 na ka mga vendors sa 3 ka mga merkado sa Bacolod ang nag pasugot nga mag pa swab-test bwas nga adlaw Sabado.Dugang pa ni Ang nga may yara na sang mga designated areas sa tagsa ka merkado kag nahatagan na sang instructions ang tagsa ka market supervisor kon sa diin ini ipa hamtang.
Pagatawgon ukon sugaton ang mga vendors kada grupo nga may tag lima ka vendors kada grupo para malikawan ang pag ginutok sa designated testing areas.
Gin klaro ni Ang nga pag katapos swab-test sang kada vendor, pwede ini maka balik baligya sa tagsa nila ka mga pwesto.Gin pahayag man ni Ang nga nag pasalig ang Biolab sang Department Of Health Region 7 sa Cebu nga pagkatapos sang 24 oras nga ma baton nila ang mga specimen maka pa guwa na sila sang resulta.Ang tanan nga mga swab specimen sang surveillance testing ang paga dal-on sa Cebu kag kon indi nila matapos bwas nga adlaw maga padayon ini sa adlaw nga Lunes.
by: Kirby Federez
