BACOLOD CITY – Indi magnubo sa 1,439 ka mga Grade 1 tubtob Grabe 3 pupils sa idalum sang Department of Education (DepEd) Division of Negros Occidental ang nakabaton sang computer tablets halin sa panguluhang probinsyal.
Ini agud pasanyugon ang ila pagtuon paagi sa mobile videos.
Ang inisyal nga mga nakabaton amo ang mga estudyante halin sa banwa sang Cauayan kung diin ginlunsyar ang Project BONG ukon ang “Bata ang Ona sa Negros” sadtong Lunes, Nobyembre 14.
Suno kay Negros Occidental Governor Eugenio Jose “Bong” Lacson nga ang electronic-learning gadgets ang “for education purposes only” kag indi dapat pagagamiton agud mag-TikTok.
“You have to return it after a year to be passed on to the next batch of learners. To the teachers, teach the learners how to use the tablets and teach the parents as well. Parents, you also have to instill discipline in your children,” suno kay Lacson.
Naghalin ang pondo sa pagbakal sang ini nga equipment sa Special Education Fund sang Provincial School Board.*
