Nagdangat sa 187,000 ka mga pulis ang iga-deploy para sa Barangay kag Sangguniang Kabataan Elections (BSKE) tubtob sa Undas.
Suno kay PNP Public Information Office Chief PCol. Jean Fajardo nga naka-heightened alert ang bilog nga kapulusan sa campaign period kag magdalayon na ini tubtob sa Undas.
Naghatag man si PNP chief General Benjamin Acorda,Jr., sang instruction sa mga field commanders nga ipatuman ang maximum tolerance sa mga kandidato nga magalapas sa guidelines sang Comelec.
Samtang, strikto nga ginpatuman ang money ban nga base sa Comelec guidelines, ginadumilian ang pagpadala sang P500,000 ukon sobra pa nga cash kun indi ma-ipaathag kun sa diin ini pagagamiton agud malikawan ang vote buying.
Ginpatuman ang money-ban lima ka adlaw antes ang eleksyon, suno pa sa PNP official.
Ginkasugtan naman sang Department of Interior and Local Government (DILG) kag PNP ang pagpabaskog sang police visibility sa pagsugod sang campaign period sang mga kandidato sa BSKE.*
