Nag-abot sini gid lamang nga aga ang 1,950 ka vials sang Pfizer Covid-19 Vaccines sa Negros Occidental nga gin padala sang National Government.
Suno sa kay Provincial Incident Management Team Head Zeaphard Caelian nga yara na sa karon ang isa ka box sang Pfizer vaccine nga may unod sang 975 ka vials sa cold storage facility sa Teresita Jalandoni Provincial Hospital kag ang isa ang yara naman sa cold storage sang provincial engineering.
Dugang pa ni Caelian nga ang duwa ka storage facilities ang may ultra-low temperature kag capable sa temperature requirement sang Pfizer vaccine.
Ang kada vials sang Pfizer vaccine ang may 6 ka doses kag sarang nga makabakuna sa 11,700 ka mga vaccinees.
Wala pa man mahibaluan kun sa ano nga category paga-gamiton ang Phizer vaccines.
Nahibaluan nga ini ang pinakauna nga batch sang Pfizer covid 19 vaccines nga ginpadala sa probinsiya
