Ginbuy-an na sang Hamas militants ang ila duha ka Israeli hostages nga tigulang matapos ang masobra duha ka semana nga nagaluntad nga giyera sa Israel.
Suno sa report, duha ka tigulang nga Israeli nga lunsay mga babayi nga ginbuy-an sang Hamas militant nga kalakip sa 200 ka tawo nga gin-abduct sadtong Oktubre 7.
Ginpahayag sang tigpamaba sang Palestinian Hamas militant group, nagdesisyon ang grupo nga buy-an sanday Nurit Cooper, 79-anyos kag si Yocheved Lifshitz, 85-anyos bangud may problema ang mga ini sa ikaayong lawas.
Gilayon naman nga gindala ang duha sa medical facility matapos ang mga ini ginbuy-an sang mga Hamas kag nakuha sang Israeli forces.
Madumduman nga sang Sabado, Oktubre 21, may duha ka mag-iloy nga US nationals nga hostages ang ginbuy-an man sang Hamas.*
