Duha ang patay kag apat ang pilason matapus nga nagbungguanay ang isa ka single nga motor kag tricycle sa Bgry. Tinongan, Isabela, Negros Occidental.
Dead on arrival sa Ignacio Arroyo Memorial District Hospital si Darren Calsarin y Marcelino, 19 sang Sitio Jamaica, Brgy. Camangcamang, Isabela, driver sang single nga motor kag pasahero sang traysikol nga ginkilala kayLyca Eunice Namayan y Salvan 13 anyos sang Hda. Bonifacio, Brgy. Tingonan, Isabela.
Sa interview sang Radyo Bandera kay PSSgt. Gilbert Gentugao, investigador sa kaso nga nagsugat-anay kag nagbungguanay ang traysikol nga may karga nga 3 ka mga pasahero kag ang single nga motorsiklo nga sakay ang biktima kag isa backrider nga si Felix John Sardon, 22 anyos sang Sitio Jamaica, Brgy. Camngcamang sa amu man nga banwa.Sa amu nga insidente pilason ang driver sang traysikol nga si Richard Marita, 17 anyos nga menor de edad, mga pasahero nga sanday Honeyly Marita, 20 anyos, Welrose Cainoy, 15 anyos tanan sang Brgy. Tinongan, Isabela kag ang napatay nga si Namayan.
Gindugang pa ni PSSgt. Gentugao nga padayon pa ang ila pagpangusisa kon paano nag head on collision ang motor kag traysikol apang bangud sa mabaskog nga impact nakabunggo sa atop sang traysikol ang ulo ni Namayan nga amu naman ang gintunaan sang iya kamatayon samtnag nagbunggo man ang ulo ni Calsarin sa sidecar sang traysiko radon man sang iya kamatayon.
Natabu ang insedente alas 7:30 Sabado sang gab-i sa National Road sang Barangay Tinonga, Isabela, Negros Occidental.
Sa karon padayon pa nga ginabulong sa hospital ang nasamaran nga driver kag mga pasahero sang traysikol kag angkas sa motorsiklo.
