RBSFM NEWSCENTER – Nag taliwan sa edad nga 66 anyos ang isa sa mga boxing legend sang dekada 80 nga si Marvin ‘Marvelous’ Hagler suno sa asawa sini nga si Kay Hagler.
Sang 1982, gin baylohan ni Marvin Hagler ang pangalan sini kag nangin Marvelous Hagler kag ini ang may boxing record nga 62-3-2 nga may 52 ka away nga nag resulta sa pagka knock out sang kontra.
Nangin hari ini sang middleweight division bilang champion sa malawig nga panahon tubtob nga ini ang ma pierdi sang 1987 sa kay Sugar Ray Leonard.
Si Hagler ang napatay sa New Hampshire, USA kahapon.
“I am sorry to make a very sad announcement. Today unfortunately my beloved husband Marvelous Marvin passed away unexpectedly at his home here in New Hampshire. Our family requests that you respect our privacy during this difficult time,” ini ang pahayag sang asawa nga si Kay sa gin himo sini nga post sa Marvelous Marvin Hagler Fan Club page sa Facebook.
