RBSFM NEWSCENTER – Nalakip sa 13 tanan ka mga lugar ang baybayon sang Siaton, Negros Oriental nga positibo sa paralytic shellfish poison (REDTIDE). Ini ang suno sa gin pa gwa nga Shellfish Bulletin No. 06 sang Bureau of Fisheries and Aquatic Resources (BFAR) nga napetsahan Marso 10, 2021 kag pirmado ni Commodore EDUARDO GONGONA, BFAR Director.
Gina dumili-an ang pag kuha, pagbakal kag pag kaon sang talaba, sisi kag iban pa nga shellfish sa mga masunod nga baybayon:
Inner Malampaya Sound, Palawan
Sorsogon Bay, Sorsogon
Dauis kag Tagbilaran City, Bohol
Tambobo Bay, Siaton Negros Oriental
Calubian kag Cancabato Bay, Tacloban City
Dumanquillas Bay, Zamboanga del Sur
Murcielagos Bay, Ozamiz City
Lianga Bay and Coastal waters of Hinatuan, Surigao del Sur
Dugang pa sang BFAR, ang mga isda, lukos, pasayan, kasag ang safe nga kaunon basta ini ang preska kag nahugasan sang maayo kag dapat kuhaon ang hasang kag tinae bag-o luto-on.
Hilway naman ang mga baybayon sang Western Visayas kalakip na ang Negros Occidental sa Redtide.
