Warning: hazing
Nangin masubo ang pagsaulog sang bag-ong tuig sang isa ka iloy bangud patay na sang makapauli sa ila ang 20-anyos sini nga bata.
Suno sa iloy nga si Leny Masamoc Baguio, wala na sang mapaguwa nga luha ang iya mga mata bangud wala-untat ang iya paghilibion sugod pa sang ginbyahe ang bangkay sang iya bata nga si Ronnel halin sa Cebu.
Nagasinggitan sang hustisya ang pamilya kag mga abyan sang biktima nga engineering student bangud gina-alegar napatay ini sa hazing sa University of Cebu.
Base sa death certificate sang biktima, “severe acute respiratory distress syndrome secondary to indirect lung injury” ang gintunaan sang iya kamatayon.
Dugang pa sang iloy nga si Leny, nagaisahanon lamang nila nga bata ang biktima.
Nakahaya subong ang bangkay sang biktima sa ila balay sa Batangas Dos.
