Nakahalin na sa pungsod ang tanan ka pasahero nga mga Overseas Filipino Workers sang Clark International Airport nga na-apektuhan sang airspace shutdown sang nagligad nga semana.
Suno sa report, linibo ka mga pasahero sa nagkalain-lain nga airport ang na-apektuhan sang airspace shutdown nga tuga sang technical glitch sa air traffic management system sang Civil Aviation Authority of the Philippines (CAAP).
Nalakip sa mga apektado kag nakanselar ang biyahe ang yara sa 250 ka OFWs nga pasahero sang Clark International Airport nga padulong sa Qatar kag United Arab Emirates.
Suno kay Atty. Falconi Millar, Regional Director sang Overseas Workers Welfare Administration-Region III, gilayon nila nga gin-asikaso kag ginbuligan ang mga na-stranded nga OFWs.
Suno pa sa OWWA-III, sadtong Enero 3, nakay-o na ang tanan nga mga na-delay nga flights kag nakabiyahe na ang tanan nga na-stranded nga OFWs.
“Hindi natin inaasahan ang pangyayari na ito, apektado lahat ang ating mga paliparan, Region 7, Region 3, NAIA. Ito kasing nangyaring ito ay technical issues, ito ay beyond sa control ng OWWA subalit kung may mga pagkakataong ganito, maaasahan ng ating mga OFW na ready lagi ang OWWA, particulary sa Region 3,” dugang pa ni Millar.*
