Ginhimuslan ang babayi nga working student sang iya team leader sa obra samtang naga-inom sila sa balay sang ila upod man sa obra sadtong Sabado, Disyembre 3.
Suno sa 20-anyos nga biktima, apat ka babayi kag apat ka lalaki ang upod niya sa inom kag kalaban sa ila, amo ang upod niya man sa obra.
Sang naglingin na ang ulo sang biktima, ginbuligan siya sang asawa sang tag-iya sang balay kag gindala sa kwarto agud makapahuway ini.
Ginpahayag sang asawa sang tag-iya sang balay nga nagapangulit ang ila nga team leader nga pukawon na ang biktima agud makapuli na ini kag didto na natabo ang pagpanghimulos.
Suno sa biktima, wala ini nanugid sa iya mga upod sa obra bangud sa kahadlok nga iya nabatyagan.
Sa bulig sang barangay kag kapulisan, gindakup ang 24-anyos nga suspek nga nag-ako nga ginhimuslan niya ang biktima.
Desidido na ang biktima kag himata sini nga pasakaan sang reklamo nga rape ang suspek nga nakahunong karun sa Cubao Police Station.*
