Ginabulubanta 200 ka mga estudyante sang San Jose National High School sa banwa sang Talibon, Bohol ang gina-alegar ginsud-an sang malain nga espiritu samtang nagatambong sa misa sang Biyernes, Setyembre 15, 2023.
Suno sa abogado nga si Quirubin, personal niya nga nasaksihan ang pagbag-o sang “behaviour” ukon pagginawi sang mga estudyante.
Dugang pa ni Quirubin nga halos dululungan nga nagkurog, naglingin ang ulo, kag nag-collapse ang mga estudyante, samtang ang iban ang halos indi na makaginhawa.
Gindala ang kalabanan sa mga estudyante sa Talibon District Hospital kag President Carlos P. Garcia Memorial Hospital agud mahatagan sang medikal nga atensyon.
“Wa ko kasabot sa akong gibati intawn ganina while nangita sa akong mga pag-umangkon Praise God okay ra sila pero looya sa mga bata intawn,” suno ka Quirubin.
Pahayag sang pila ka mga estudyante nga gina-alegar ginsudlan sang malain nga espiritu, pila na sila ka adlaw nga nakabatyag sang malain matapos nga gin-utod ang mga sanga sang puno sang balete sa school compound.*
