156 ka mga micro rice retailers sa Western Visayas, nakabaton sang tig-P15k nga ayuda gikan sa DSWD 6

Nagdangat sa P2.34 million nga ayuda ang ginpanghatag sang Department of Social Welfare and Development (DSWD) 6 para sa mga Micro rice retailers sa ikaduha nga adlaw sang ila payout.

Suno sa DSWD-6, napanghatag ang nasambit nga ayuda sa 156 ka mga qualified recipients kun sa diin nagbaton sang P15,000 ang kada isa, sa idalom sang Sustainable Livelihood Program-Economic Relief Subsidy (SLP-ERS).

Angut diri, nahibaluan nga 29 sa mga benepisyaryo ang gikan sa Aklan; 17 sa Antique; 29 sa Capiz; 37 sa Negros Occidental; 14 sa Iloilo; kag 30 sa Guimaras.

Samtang, ang nasambit nga programa ang inisyatibo sang gobyerno nga tuyo mabuligan ang mga magagmay nga rice retailer angut sa pagpatuman sang price cap sa bugas sa bilog nga pungsod.*