Plano karon sang probinsya nga magbutang sang Business Process Outsourcing (BPO) sa kaugalingon sini nga propriedad kaangay sang cottage road.
Ang nasambit nga propriedad ang nahamtangan sang daan nga building sang Land Transportation Office (LTO) kun sa diin ginsaylo ang talatapan sini sa Manayawsayaw, Barangay Mansilingan subong nga tuig.
Samtang, ang Veterans Bank ang magasaylo sa Old Provincial Technology and Livelihood Development Center kag Boy Scouts of the Philippines (BFP) sa bag-o sini nga lugar.
Suno kay Governor Eugenio Jose Lacson nga plano nila ini ipaidalom sa Public Private Partnership (PPP) kun sa diin ang kontribusyon sang probinsya ang ginapanag-iyahan sini nga duta, samtang ang mapilian nga BPO amo naman ang igatukod diri nga imprastraktura.
Ang nasambit nga lugar ang ginabulubanta may kalapadon nga 7,000 square meters kun sa diin malapad ang lugar nga pagatukuran sang BPO building, nga makadugang pa sa revenue sang Gobyerno Probinsyal.*