2022 NATIONAL BUDGET PRAYORIDAD SA PAGBALIK-SESYON SANG KAMARA

Balik-sesyon na ang lower house sang Kongreso kag mangin prayoridad diri ang ratipikasyon sang P5.024 trillion 2022 national budget sang gobyerno.

Pagadiskusyunan diri ang hagna nga magasuspinde ukon pagbuhin sang excise tax sa mga produkto nga petrolyo.

Nagasalig naman si House Speaker Lord Allan Velasco nga indi pagpahanugutan sang Senado ang reenacted budget para sa masunod nga tuig.

Sadtong Setyembre 30, gin-aprubahan sang Kamara sa ikatlo kag pang-ulihi nga pagbasa ang hagna nga P5.024 trillion national budget sang gobyerno para sa masunod nga tuig, ang pinakaulihi nga pondo sang administrasyon ni Presidente Rodrigo Duterte.

Ang gin-aprubahan nga bersyon sang Kamara ang ginpadala sa Senado sadtong Oktubre 25.