Nagapalanggit-om ang kuko kag nagapiyong samtang nagabitay sa sulod sang ila puluy-an ang isa ka 21-anyos nga lalaki sa isa ka purok sa syudad sang San Carlos.
Sa interview sang Radyo Bandera San Carlos sa iloy sang biktima, posible depresyon ang rason sang paghikog sang biktima.
Dugang pa sang iloy nga nagmasakit ang biktima nga Glaucoma sa isa ka parte sang iya mata kag nagapamroblema ini nga maapektuhan ang isa niya pagid ka mata kag indi na siya makakita.
Suno pa sa iloy, wala naman sang iban nga rason sa natabo sa biktima bangud maayo man ang atipan niya sa iya nga bata.
Ginpaidalom sa obserbasyon ang biktima matapos ginhingagaw dala sa hospital kag yara na sa istable nga kondisyon.
[Hungod nga gintago ang pangalan kag lugar bangud sensitibo ang balita]
