Green comet, makita sa kahawaan sa Enero 12

Masaksihan na sang mga pumuluyo sa kalibutan ang “green comet”.

Suno sa mga eksperto, bag-o gid lamang nadiskubrihan ang green comet kag makita lamang sang maka-isa ka beses sa kada 50-anyos.

Nadiskubrihan ang nasambit nga kometa sang tinalikdan nga Marso 2, 2022 gamit ang Zwicky Transient Facility wide-field survey camera sa Palomar Observatory nga makit-an sa San Diego County, California.

Makit-an ang green comet sa pinakamalapit nga distansya sa kalibutan (earth) sa Enero 12, suno sa National Aeronautics and Space Administration (NASA).

Masaksihan ang green comet sa mga pungsod sa Northern hemisphere sa bulan sang Enero kag sa bulan sang Pebrero naman sa mga pungsod nga yara sa southern hemisphere, kalakip na ang Pilipinas.*