Nagsugod na ang ikaduha nga pagpanagtag sang P15,000 nga ayuda para sa mga small rice retailers sa bilog nga probinsya kasunod sang pagpatuman sang rice price cap.
Suno kay Arwin Razo, Assistant Regional Director DSWD Region 6, may yara sang 211 ka mga qualified rice retailers sa bilog nga probinsiya kag 27 diri ang nagikan sa syudad sang Bacolod.
Ang pagpanagtag sang ayuda ang gintunga sa duha ka bahin kun sa diin ang 1st kag 6th district ang magakuha sa aga, samtang ang 2nd , 3rd, 4th , 5th kag ang Bacolod ang magakuha sang ayuda sa hapon.
Magasugod las 9:00 sang aga ang pay-out tubtob nga matapos ang pagpanagtagay.
Para makakuha sang ayuda, kinahanglan nga dal-on ang requirements kaangay sang valid ID kag photocopy sang valid ID nga may tatlo ka pirma sang retailer.
May yara pa sang ikatatlo nga pagpanagtag nga patigayunon ang DTI kag DSWD kag para naman ini sa mga sari-sari store nga nagabaligya sang bugas.*
