Nagabitay sa puno kag wala na sang kabuhi sang masapwan ang isa ka 23-anyos nga lalaki sa Barangay Maaslob, banwa sang Calatrava, Negros Occidental, takna las 9 sang aga sini nga Martes, Abril 25.
Base sa imbestigasyon sang kapulisan, las 12 sang udto sini nga adlaw nagpadulong si Brgy Captain Jose Loni Pas sang Brgy Maaslob sa Calatrava Municipal Station agud ireport ang nagluntad nga suicide incident sa ila barangay.
Didto na nasapwan ang biktima nga nagabitay sa puno gamit ang higot malapit sa suba.
Gilayon naman nga gindala ang bangkay sang biktima sa Calatrava Municipal Health Office para sa pagdeklarar sang iya kamatayon, nga gin-examine ni Dr. Marialyn Cahanap Municipal Health Officer.
Sa karon yara na ang bangkay sang biktima sa Saint Frances Funeral homes sa siudad sang San Carlos.*
