Pinakauna nga kaso sang XBB.1.16 Omicron sa Pilipinas natukiban sa Western Visayas

Ginkumpirmar sang Department of Health (DOH) ang pinakauna nga kaso sang XBB.1.16 Omicron subvariant sang COVID-19 ukon “Arcturus” sa Pilipinas.

Base sa pinakaulihi nga biosurveillance report sang DOH, natukiban ini sa Western Visayas.

Ginpaathag sang DOH nga halos wala pa sang nadiskubrehan nga kinalain ang XBB.1.16 sa orihinal nga Omicron variant.

May 89 pa ka dugang nga variants sang COVID-19, 85 ang subvariants sang Omicron, ang ginkumpirmar man sang nasambit nga report.

“The variant was initially flagged due to its increasing global prevalence and for having mutations which may lead to increase in infectivity or pathogenicity,” pahayag sang DOH.