Trending sa social media ang video nga ginpakigbahin sang Opthalmologist nga si Dr. Katerina Kurteeva sa California angut sa babayi nga nakuhaan sang kapin 20 ka bilog nga contact lens sa iya nga mata.
Sa TikTok video nga ginpakigbahin sang doktor, makita ang isa ka babayi nga senior citizen nga nagpaidalum sa simple nga proseso sang operasyon.
Gamit ang cotton buds, ginkakas sang doktor ang yara sa 23 nga contact lenses nga na-stock sa sulod sang mata sang tigulang.
Sandig sa report, pila ka semana nga naka-eksperyensya sang pagsakit sang mata ang tigulang rason nga nagpa-check up ini sa doktor.
Sa una nga diagnosis ni Dr. Kurteeva, ginahuna-huna niya nga ang pagsakit sang mata sang pasyente rason lang sang impeksyon sa “cornea” tubtob nga nakita niya ang nagsampawanay nga contact lenses sa mata sang tigulang.
via Abante