Halos 28,000 ka mga indibidwal ang na-apektuhan sa paglaslas sang bagyong “Neneng” nga bag-o pa lang nagguwa sa Philippine Area of Responsibility.
Madumduman nga sadtong Oktubre 15, ginpaidalum sa Signal no. 3 ang Batanes kag Babuyan Islands bangud sa malain nga tiyempo nga nangin typhoon category.
Subong, nagdangat na sa 25 ka pamalay ang nahalitan sang nasambit nga bagyo kag 23 diri ang dyutayan na lang nga maghilay samtang duha ang nawasak.
Sang Oktubre 16, may narecord nga P1.2 bilyon nga standby funds ang Department of Social Welfare and Development para sa food and non-food items.
May yara man sang stockpiles nga P1.38 bilyon para sa family food packs, food items kag non-food items nga halin sa DSWD kag Office of Civil Defense.
Gindeploy ang 14 ka search, rescue and retrieval teams ukon 69 SRR personnel nga halin sa Armed Forces of the Philippines, Bureau of Fire Protection kag Philippine Coast Guard sa Ilocos kag Cagayan Valley regions.
Nagdangat sa P436,098 nga ayuda ukon family food packs kag relief assistance ang ginpanghatag sa Cordillera.
Kahapon, Oktubre 16 nag-land fall ang bagyo sa Calayan Island, Cagayan apang takna las 8:00 sang gab-i nagguwa na sa PAR ang bagyong “Neneng.”
via Philstar
