Kwarenta ka mga persona ang nakasalbar kag 26 na ang nagkalamatay sa pagkalunod sang sakayan pandagat nga M/B Araya sa banwa sang Binangonan, probinsya sang Rizal.
Sini nga Biyernes, nagapadayon pa ang search and rescue operations sang Philippine Coast Guard ukon PCG.
Posible nga na “trapped” sa sakayan pandagat ang iban pa nga mga pasahero, gani ginapatigayon man ang underwater operations para sa iban pa nga mga biktima sang trahedya.
Wala pa sa gihapon sang insakto nga impormasyon ang PCG angut sa kadamuon sang mga pasahero nga nagasakay sa M/B Araya sang magluntad ang insidente, Huwebes nga adlaw, Hulyo 27, suno sa Philippine Coast Guard.
Padulong na sa Talim Island ang bangka sang hinali lang nga ginhampas sang mabaskog kag daku nga balud.
Suno sa kapitan, wala man siya makahibalo nga “overloaded” ang bangka.
“Dalawampu’t anim na po ang kumpirmadong patay at 40 na po ang nakaligtas… Retrieval operations na po, sapagka’t dun sa information na meron kami, wala na po dun sa surface at baka po na-trap na dun sa bangka,” pahayag ni PCG spokesperson Rear Admiral Armand Balilo.*
