Nagdangat na sa 291 ka mga kaso sang fireworks related injuries ang na-record sang Department of Health sa pungsod Pilipinas.
Nagsaka ini sa 55% ang kaso kumparar sang nagligad nga tuig.
Sadtong 2021, nagdangat lang sa 188 ka mga kaso sang fireworks related injuries sumugod Disyembre 21, 2021 tubtob Enero 5, 2022.
Suno sa DOH, ang Metro Manila ang may pinakamadamo nga nalukpan nga nagdangat sa 135 ka kaso.
Nalakip sa Top 5 nga may pinakamadamo nga kaso sang palupok amo ang Western Visayas nga may 33 ka kaso, Ilocos Region nga may 29 ka kaso, Central Luzon nga may 24 ka kaso kag Calabarzon nga may 15 ka kaso.
Apang 105 naman ang nalukpan sa kamot, 80 sa mata, 39 sa ulo, 37 sa paa kag 33 sa kamot.
Kwitis, boga, 5-star kag fountain ang mga palupok nga gintunaan sang injuries.
Wala naman sang may ginbawi-an sang kabuhi angut diri.*