Ginkumpirmar sang DSWD nga magapadayon ang paghatag sang cash assistance sa mga indibidwal nga yara sa sitwasyon sang krisis, sini nga semana ukon masunod nga semana.
Temporaryo nga gin suspendi sang DSWD ang pag isyu sang guarantee letters para sa Assistance to Individuals in Crisis Situations (AICS) program sang Disyembre 16, tuig 2022, agud mahatagan sang ligwa ang pagpatigayon sang “financial audit” sa ahensya.
Nagpadayon ang programa sini nga Enero apang gin “hold” naman ang pag release sang cash samtang nagahulat pa sang “funding” ukon pondo ang DSWD gikan sa Department of Budget.
Kalakip sa mga mahimo maka “avail” sang AICS financial assistance program amo ang tanan nga mga Filipino nga nagakinahanglan sang bulig para sa:
- Pang-edukasyon
- Medikal
- Pamasahe para sa mga luyag magbalik sa ila probinsya
- Pagpalubong sang minatay
- Pagbakal sang gamit ukon pagkaon kon wala na sang makaon
Ginpahibalo ni DSWD spokesperson Asec Romel Lopez, nga madasig kag mahapos ang pag apply para sa AICS program.
Kinahanglan lamang nga magpakita sang identification documents kag iban pa nga paperwork ang isa ka benepisyaryo, nga mahimo maka suporta sang iya claims.
Kalakip sini amo ang medical abstract referral kag contracts gikan sa funeral homes kon wala sang death certificate nga mapakita ang pamilya sang namatyan.
Matapos sini, mahimo na nga ma “assist” okon mabuligan ang benepisyaryo.
Statement of DSWD spokesperson:
“Pagkatapos po niyan at maassist kayo, outright maaari po kayong tumanggap ng P10,000 na cash assistance, P3,000 hanggang P10,000. Pero ‘yung ating mga guarantee letters na ibinibigay doon sa ating pampalibing o sa ospital, maaari naman po ‘yan umabot nang hanggang P250,000,”
“Halimbawa, ‘yung pamasahe niyo sa balik-probinsya, isang beses lang kayo dapat bigyan nyan. ‘Yung education assistance, hindi ito parang scholarship na buwan-buwan, once a year niyo lang po ito matatanggap. Tulong lang to recover kung ano mang crisis ang pinagdadaanan.”*
