METRO MANILA – Ginahingyo ni Joey Concepcion, convenor sang Advisory Council of Expert (ACE) ang Department of Health (DOH) nga pagasugudan na ang pagbakuna sang ika-duha nga booster shot sa mga indibidwal nga may edad 50 pasaka.
Ginsiling ni Concepcion nga irekomendar nila sa Health Technology Assessment Council (HTAC) nga bakunahan na sang 2nd booster ang 70 porsyento sang tanan nga Pilipino nga fully-vaccinated na.
Kaangot ini sa luyag nila nga pasugtan na ang nakabaton sang 2nd booster shot sang opsyon sa pagsuksok sang face mask.
Makabulig man ini sa mga lokal nga gobyerno nga mapataas ang “booster uptake” sa ila nga lugar.
Apang, ang mga medical frontliners, senior citizens kag mga indibidwal nga immunocompromised ang ginapasugtan pa lamang nga makabaton sang ika-duha nga booster shot.
