Sunday, December 4, 2022

3 ka Lalaki Imboldado sa “Modus” sa Pagpangikil sa Wala pa Nakabayad Car Loan, Dakop!

- Advertisement -

Makati City – Dakop ang tatlo ka lalaki nga ginapatihan imboldado sa bag-o nga “modus” nga nagapamahog kag nagapangayo sang kwarta sa mga indibidwal nga indi makabayad sang ila car loan sa syudad sang Makati sang Biyernes, Agosto 12.

A man handcuffed his hand at his back. Photo from GMA

Ginkilala ang mga suspetsado nga sanday Ronald Fabiano Palad, 46-anyos; Florence Mendoza, 28-anyos; kag Joel Berdin, 49-anyos nga lunsay empleyado sang isa ka kompanya nga konektado sa isa ka bangko nga nagakuha sang mga salakyan kun indi ini mabayaran sa kada bulan nga bayad.

Imbes nga ipa-agi sa ligal nga proseso, ginpahog kag ginpangayuan sang mga suspek sang kwarta ang mga may utang sa bangko ukon wala nakabayad sa car loan.

- Advertisement -

Apisar sa wala permiso halin sa bangko, ginapahog sang mga suspek nga pagakuhaon nila ang salakyan sang mga indi makabayad sa nasambit nga loan.

Nadakpan ang modus sang grupo sang ila gin plano biktimahon ang isa ka kliyente nga bayad na sa bangko sang iya car loan.

Gin report sang kliyente sa kapulisan ang insidente kag ila ginpatigayon ang entrapment operation kag tigayon nga nadakpan ang mga suspek.

- Advertisement -
Reyster Gani
Reyster Gani
News Writer /News Reporter at Radyo Bandera Sweet FM Bacolod. BS Mass Communication Graduate at University of Negros Occidental-Recoletos

Related Articles

Leave a Reply

Stay Connected

- Advertisement -

Latest Articles