Nasalbar ang 36 nga babayi nga biktima sang gina-alegar human trafficking sa separado nga operasyon sa banwa sang Bocaue sa Bulacan sini nga Miyerkules, Oktubre 19.
Suno sa report, gin-raid sang tinaho sang National Bureau of Investigation (NBI) district Offcie ang resto grill sa nasambit nga banwa nga nagresulta sa pakadakop sa lima ka bugaw kag pagkasalbar sa 25 ka babayi nga biktima.
Ginpahayag sang NBI-Bulacan, yara sa P1,000 nga balor ang bayad sa “extra service” sa ila mga kustomer kag ginalakip na sa package nga ilimnon ang biktima nga mga babayi.
Samtang, sa separado nga operasyon sa nasambit nga banwa, nadakup naman ang duha ka bugaw kag nasalbar ang 11 ka mga babayi sa isa ka spa nga nagahatag man sang pinasahi nga serbisyo sa mga kliyente.
Pagasakaan naman sang reklamo ang mga suspetsado sa paglapas sang Expanded Anti-Trafficking Act, suno sa NBI.
via GMA
