Ginbawian sang kabuhi ang 48-anyos nga babayi matapos matulon ang iya nga pustiso ukon “dentures” samtang nagakatulog ini sa ila nga puluy-an sa Colombia.
Suno sa report, gindeklarar nga dead on arrival ang biktima nga ginkilala kay Maria Farias Guzman nga residente sang Armenia region sa nasambit nga pungsod.
Sandig sa imbestigasyon sang mga otoridad nga samtang nagakatulog si Guzman, nakakas ang iya nga pustiso rason nga nagkadto ini sa bahin sang iya tutunlan.
Ginsaysay sang himata sang biktima, nabatian nila ang gahod sa sulod sang kuwarto sini kag ila ginahuna-huna nga nagahuragok lang si Guzman.
Ulihi na sang ila buksan ang puertahan sang kuwarto bangud wala na sang animo si Guzman.
Suno sa doktor, “respiratory tract obstruction” ang gintunaan sang kamatayon sang biktima bangud sa natulon kag nagsupon nga pustiso sa iya nga tutunlan.
via Philstar
