Yara sa $3.66 milyon ukon P216 milyon ang kinitaan ni Miss Universe 2015 Pia Wurtzbach sa Instagram sadtong nagligad nga tuig 2021.
Sandig ini sa listahan sang NetCredit, isa ka international online lending company nga may titulo nga “Which Celebrity Earns the Most from Instagram in The World.”
Si Pia lang ang Pilipino nga nalakip sa nasambit nga listahan.
Ginbasehan sang NetCredit ang income sang mga celebrities sa ila mga Instagram posts nga may yara sang sponsorship kag advertisement.
Nagapanguna sa listahan ang football star nga si Cristiano Ronaldo nga may income nga $85 milyon.
Yara man sa Top 10 ang TV host nga si Ellen DeGeneres nga may $33 million, Beyonce nga may $33 million, Jisoo sang BlackPink nga may $18.8 million kag singer nga si Dua Lipa nga may $13 million.
via Pia Wurtzbach