Nakit-an ang apat ka mga barko sang China Coast Guard sa palibot sang Bajo de Masinloc ukon Scarborough Shoal sa West Philippine Sea (WPS)
Ini ang gin-anunsyo sang Philippine Coast Guard (PCG) matapos ang ila ginpatigayon nga aerial surveillance sakay sang Cessna 208 Caravan sa WPS sang Huwebes, Oktubre 6.
Suno kay PCG Commandant Admiral Artemio Abu, ang duha ka barko sang Coast Guard sang China ang yara sa sulod sang teritoryo sang Bajo de Masinloc samtang ang duha ang yara sa guwa sang nasambit nga lugar.
Nakit-an man ang duha pa ka Chinese militia vessels sa palibot sang gina-agawan nga baybayon.
Gindugang pa ni Abu nga nakaplastar naman malapit sa bukana sang lugar ang BRP (Barko ng Republika ng Pilipinas) kag BRP Suluan agud masiguro ang kaluwasan kag seguridad sang mananagat nga mga Pilipino sa lugar.
Aktibo nga nagapanghatag ang duha ka barko sang Pilipinas sang relief supplies sa mga mananagat nga Pilipino sa WPS.
via Balita
