CALATRAVA – Patay ang isa ka lalaki matapos ginluthang samtang nagakaon sa iya puluy-an sa Sitio Mina uyahan, Brgy. Mina-utok, banwa sang Calatrava takna las-6:30 sang gab-i sang Lunes, Pebrero 20.
Ginkilala ang biktima nga si Arnie Casipong, alyas “Toloy”, 40-anyos nga residente sang nasambit nga lugar.
Base sa report sang Calatrava Municipal Police Station, nagakaon ang biktima sang magsulod ang tatlo ka armado nga mga suspetsado.
Ginluthang ang biktima sang makaduha ka bes kun diin naigo ini sa ulo nga gintunaan sang iya gilayon nga kamatayon.
Hinali naman nga nagaplagyo ang wala pa makilala nga mga suspek.
Narekober sa crime scene ang isa ka fired cartridge case sang kalibre .45, isa ka deformed slug sang gina-alegar kalibre .45, kag isa pa ka fired cartridge case sang 5.56mm sang M16 rifle.