Padayon nga nagadamu ang nagakalamatay sa Pilipinas, bangud sang sige sige nga pagbubu sang ulan, humalin pa sang Enero 2, sini nga tuig.
Las 6:00 sang aga, Biyernes, nagsaka na sa 40 ka mga persona ang nagkalamatay bangud sang kalamidad, suno sa National Disaster Risk Reduction and Management Council okon NDRRMC.
Yari ang breakdown sang mga fatalities sa kada lugar:
Zamboanga – 12 deaths
Bicol – 10
Northern Mindanao – 8
Eastern Visayas – 7
Mimaropa – 1
Davao – 1
Soccsksargen – 1
Padayon pa nga ginapangita ang 7 ka mga persona, matapos nga gindeklarar missing, 12 naman ka mga persona ang nasamaran.
Nagbubu ang halos wala untat nga ulan sa mga nagkalain lain nga lugar sa Pilipinas, bangud sang shearline, LPAs kag northeast monsoon okon amihan.
Humalin sang Enero 2, nagsaka na sa 1,964,679 ka mga persona ang naapektuhan sang mga pagbaha sa Cagayan, Central Luzon, Calabarzon, Mimaropa, Bicol, Eastern, Western Visayas, Central Visayas, Eastern Visayas, Zamboanga, Northern Mindanao, Davao, Soccsksargen, kag Bangsamoro Autonomous Region in Muslim Mindanao.
Nagsaka naman sa P885,165,517 ang balor sang kahalitan sang kalamidad sa Agriculture sector humalin sang Enero 2.*
