Nakumpiskar sang mga katapo sang Philippine Drug Enforcement Agency (PDEA) ang P408,000 nga balor sang iligal nga druga sa tatlo ka mga persona sa ginpatigayon sini nga drug buy-bust operation sa Rizal St. Brgy.26 Bacolod City subong gid lamang nga gab-i.
Suno kay Agent Bamboo, ang mga suspetsado nga nagkaladakpan ang ginkilala nga amo sanday, Gian Carlo Natavio, Benjamin Rosales kag Georgie Graces nga lunsay 36-anyos.
Dugang pa sini, nadakpan na sadtong tuig 2018 si Rosales sa pagbayolar sang section 11 sang RA 9165 samtang ginakabig naman nga high value individual ukon HVI ang subject sang operasyon nga si Natavio.
Nakuha sa ila posesyon kag kontrol ang isa ka dako kag tatlo pa ka plastic sachets sang suspected shabu nga ginabanta nagabug-at sang 60 grams kag iban pa nga mga drug paraphernalia.
Sa karon ang tatlo ang yara na sa kustodiya sang PDEA para sa nagakaigo nga disposisyon.
