Opisyal na nga nagbukas ang ika-41 ka tuig sang Pasalamat Festival sa syudad sang La Carlota.
Ginpatigayon kagab-i sa La Carlota Public Plaza ang opening ceremony kun sa diin, nangin dinapit nga bisita si Vice-President Sara Duterte, Negros Occidental Eugenio Lacson, kag Vice Governor Jeffrey Ferrer.
Nagtambong sa amo nga seremonya sanday City Mayor Rex Jalando-on, Vice Mayor David Baga, Congresswoman Juliet Marie Ferrer, Board Members Andrew Torres, Julius Martin Asistio, SP Members, Punong Barangays, LGU Department Heads kag mga Heads sang iban pa nga mga Government Offices.
Nagpalab-ot man sang pagtamyaw si Pangulong Ferdinand “Bongbong” Marcos kag First Lady Liza Araneta Marcos pinaagi sa video message para sa mga La Carloteños.
Sa piyak nga bahin, ginpakilala man ang 15 ka mga kandidata para sa Pasalamat Festival Queen kag ang mga Barangay nga magapasundayag sa Rhythm Competition, Streetdancing Competition kag Dance Arena Competition.