Ginpalawig sang gobyerno ang SIM Card registration sang 90 diyas ukon tatlo ka bulan.
Sa idalum sang layi, tubtub lamang sa Abril 26 sini nga tuig ang “mandatory” nga pagparehistro sang SIM card, suno sa report sang GMA News.
Apang, sini nga Martes sang aga, Abril 25, gin-anunsyo ni Department of Justice (DOJ) secretary Crispin Remulla nga hatagan pa sang 90 diyas ang publiko agud makaparehistro sang ila SIM card kag makapadayon sa pag-gamit sang ila cellphone numbers kag maka-avail sang serbisyo sang telcos.*
