Patay ang masobra sa napulo ka mga miyembro sang gang sa pungsod Haiti, matapos nga ginsunog buhi sang mga residente nga ila ginkawatan kag ginhalitan.
Nagluntad ang brutal nga insidente, Lunes nga adlaw, Abril 24, sa Port-au-Prince, suno sa report sang Yahoo News.
Base sa report sang kapulisan, ila nakit-an ang mga armado nga mga persona sa sulod sang isa ka minibus, sa diin nakit-an man ang madamu nga mga bangkay.
Wala na matumod sang kapulisan kon pila gid ang mga bangkay nga ila nakit-an kag wala naman sa ila kustodiya ang mga suspetsado.
Suno sa mga nakasaksi sa insidente, las 3:00 sang kaagahon, sang nagsulod sa ila lugar ang mga miyembro sang gang kag nagpanguha sang mga kagamitan sa mga puluy-an.
Nabatian man ang paglinupok sang armas kag pila ka mga residente ang nagpabutyag ,nga handa sila magbatu sa mga gang members gamit ang ila mga armas.
Base sa report, ang mga residente sang Canape-Vert ang nagsunog sa mga gang members nga nagpanghalit sa ila lugar.
