Ginpapauli na sa ila mga puluy-an ang mayoriya sang mga pasyente nga nag eksperyensya sang sintoma sang COVID 19 sa Sta. Rosa Community Hospital. Ginkumpirmar ni Department of Science and Technology (DOST) Secretary Fortunato dela Pena nga ginhatagan sang virgin coconut oil okon VCO ang 45 ka mga pasyente sa kada tapos kaon , sa sulod sang 28 diyas.
Suno kay Dela Peña , ini ang una sa tatlo ka mga clinical trials nga ginpatigayon angut sa epekto sang VCO batuk sa COVID nga naghatag sang maayo nga resulta. Ginbulgar man ni Dela Peña nga may ikaduha pa nga clinical trial, sa diin 50 ka mga pasyente sang Philippine General Hospital okon PGH ang hatagan sang virgin coconut oil . Patigayunon naman ang ikatatlo nga clinical trial sa Singapore.
News Researcher: Sunshine Lacson
