Nagsungka mismo sa Radyo Bandera ang suspek sa shooting incident nga nagluntad sa Purok BM, Barangay Taculing subong nga hapon Hulyo 27, 2020.
Sa dugang nga detalye sang natabo sang gintalikdan nga Sabado yari ang pagpatpat sang Radyo Bandera Investigative Team.
– WHAT REALLY HAPPENED | Ang Pag Pang Luthang Sa Barangay Taculing Nga Gin Kamatay Sang Duha!
by jeanpaulgeneroso
PERSONAL GRUDGES Ang suspect nga si THOMAS LOVINO kag biktima nga si NOEL CANENCIA ang madugay na nga may aligotgot sa isa kag isa. Sila ang lunsay pumuluyo sang Purok BM, (3rd road) Barangay Taculing.
SUSPECT’S PROFILES Thomas ang aktibo nga miembro sang isa ka police multiplier nga grupo kag ini ang pirmi may dala nga .45 caliber pistol sa iya gun bag.
UNWINDINGPAST 5:00 PM July 25, SabadoNag hagaday nga mag inom ang mag abyan nga si PATRICIO SUSPEÑE (father of Denmark) kag si Thomas (suspect) sa puluy-an ni Patricio. Sila ang nag plastar sa lamesa sa kilid sang dalan.
5:20PM Nag lisensya si Thomas nga mag pauli anay agud mag pasiga sang suga sa ila balay bangud naga dulom na.
5:25 PM Nag labay ang biktima nga si NOEL CANENCIA (hubog) kag gin pamangkot si Patricio kun diin si Thomas kag kun ini bala ang maga balik pa. Gilayon naman ini nga nag lakat.
5:40 PM Nag balik si Thomas kag ila gin padayon ang pag inom-inom. Wala pa maubos sang duha ang ila tagay, nag labay si Noel pakadto sa ubos agud sugaton ang bayaw sini nga si JOJO CABATBAT mga 100 metros ang kalayoon paubos.
5:50+PM Nag balik si Noel kag naga sunod sa likod sini ang bayaw nga si Jojo, lunsay may mga bitbit nga patalum. Sila ang nag kadto sa atubang nga balay sa tabok sang karsada
STABBING THREATS 6:00PM Gilayon nga nag kadto si Noel kag bayaw sini nga si Jojo sa lamesa nga gina imnan ni Thomas kag Patricio. Gin uyatan ni Noel ang buhok ni Thomas nga naga pungko sa bangko kag gin buno sang 4 ka beses sa kilid apang ang pulo lamang ka kutsilyo ang gin gamit sini kag indi ang patalum.
Samtang si Jojo naman ang naga tindog kag naga preparar nga mag buno man kay Thomas kun ini ang mag palag.
CHANCE TO SHOOT Didto na kag nag bulig si Patricio kag gin uyatan ang kamot ni Noel nga may kutsilyo. Gilayon nga nag tindog si Thomas kag didto na naka chance nga mag gabot sang dala nga .45 caliber pistol.
Gin luthang ni Thomas si Noel sang duha ka beses kag ini ang naigo sa idalum nga bahin sang dughan, sa mag timbang nga bahin.
Matapos maigo, si Noel ang nag pungko sa kilid samtang sige agas ang dugo halin sa pilas sini.
Si Jojo naman ang sunod nga gin luthang ni Thomas kag ini ang naigo sa paa kag natumba.
SURE KILLAgud masiguro nga mapatay si Jojo, gin palapitan ini ni Thomas kag gin luthang sang tatlo ka beses samtang naga higda sa semento si Jojo. Isa lamang sa tatlo ka lupok ang nag igo sa tiyan ni Jojo, lunsay lapaw ang duha ka bala.
HIT BY STRAY BULLET Samtang naga pang luthang si Thomas nakita ni Patricio ang isa ka lalaki nga nag labog matapos ma igo sa ulo. Abi sini, bata ni Noel ang nasalabat.
Ang bata ni Patricio nga si DEANMAR SUSPEÑE, 20 anyos, ang naga trabaho sa Globe Telecom. Ini ang nag pauli sa ila balay las 6:00 sang gab-i. Didto kag na abtan sini ang ginamo sa ila puluy-an. Nag tindog si Deanmar sa sagwa malapit sa naga pukutay. Hinali lang ini nga nag labog mga 2 ka dupa halin sa gina tindugan matalos maigo sa ulo.
BACK TO THE SUSPECT Matapos luthang ni Thomas si Jojo, ang suspect ang nag lakat pa gwa kag gin hakos ang natumba nga si Deanmar. Didto na kag nakilal-an ni Patricio nga iya gali bata ang natiruhan sang abyan nga si Thomas gani ginkuha sini ang patalum kag gin laot ang naga palagyo nga si Thomas.
Nag balikid pa ang suspect kag nag singgit “pasensyaha ako pare, indi ko hungod tiruhon ang imo bata.. aksidente lang ang natabo.”
Si Deanmark ang dead on the spot, (wasak ang ulo) samtang si Noel ang nadala pa sa hospital apang ini man ang nag taliwan. Si Jojo naman ang padayon pa nga gina bulong.
WILLING TO SURRENDERSuno kay Patricio, nag panawag kagab-i si Thomas sa telepono kag ini ang nag promisa nga mata bayad sang gasto sa pag palubong sa kay Denmark kag ini man ang naga plano nga mag surrender.
