Nagkalamatay ang 477 ka pilot whales matapos na-‘stranded’ ang mga ini sa mga baybayon sang New Zealand, suno sa mga opisyales sang pungsod.
Na-stranded ang nasambit nga mga balyena sa Chatham Islands nga nahamtang sa 800 ka kilometros sa nasidlangan sang main islands sang New Zealand.
Suno sa Department of Conservation, 232 ka mga balyena ang una nga na-stranded sa Tupuangi Beach sang Biyernes, Oktubre 7 kag 245 ang nagdugang sa Waihere Bay sang Lunes, Oktubre 10.
May una na nga nagkalamatay nga 200 ka pilot whales sa Australia sang tinalikdan nga duha ka semana matapos na-stranded man sa baybayon sang Tasmania.
Indi na bag-o sa New Zealand ang nagaka-stranded nga mga balyena ilabi na kun tig-ilinit apang wala sa gihapon matumod sang mga scientist ang rason sa ini nga mga hitabo.
“None of the stranded whales could be refloated and all either died naturally or were euthanized in a heartbreaking loss,” pahayag ni Daren Grover, general manager sang non-profit organization nga Project Jonah nga nagabulig sa pag-rescue sang mga balyena.
via Associated Press
