Arestado ang isa ka lalaki nga ginakabig Street Level Individual (SLI) sa ginpatigayon nga buy-bust operation sa Purok Pag-asa, Brgy. Ma-ao, siudad sang Bago, Negros Occidental takna las 12:38 sang udto sini nga Miyerkules, Abril 12.
Ginkilala ang subject kay Amirul Uddin alyas “Amirul Odden Jr.”, 48-anyos, wala sang obra, kag residente sang Lopez Jaena sa nasambit nga Barangay.
Sa report sang Bago City Police Station, narekober kay Uddin ang walo tanan ka pakete, nalakip na ang buy-bust item sang ginasuspestuhan shabu nga nagabug-at sang isa ka gramos kag nagabalor sang P6,800.
Magluwas sa suspected shabu, nakuha man ang P500 nga buy-bust money, P128 nga cash, kag isa ka transparent nga plastic.
Sa karon yara na sa kustodiya sang Bago CPS si Uddin para sa nagakaigo nga disposisyon.*