Nagdangat sa 5 billion ka tawo ukon masobra sa 60% sang populasyon sa kalibutan ang aktibo karon sa paggamit sang nagkalain-lain nga plataporma sang social media ukon socmed, suno sa isa ka pagtuon.
Base sa pinakaulihi nga quarterly report sang digital advisory firm Kepios, nagsaka sang 3.7% ang mga users sang social media sini nga tuig kumparar sadtong 2022.
Nahibaluan nga yara sa 5.19 billion ka tawo ukon 64.5% sang world population ang nagagamit sang internet. Nagsaka man ang kalabaon sang oras nga ginahatag sang tawo sa social media kun sa diin 2 ka oras kag 26 ka minutos kada adlaw.
Sa karon, may 3 ka nagapanguna nga social media application ang Meta kalakip ang WhatsApp, Instagram, kag Facebook, nga pinakasakit sa Pilipinas.
Kalakip naman sa mga nagapanguna nga apps nga ginagamit sang mga tawo ang Twitter, Messenger, kag Telegram samtang madamo naman ang nagagamit sang Viber.*
