Padayon ang pagkamadinalag-on sang Pinoy nga si EJ Obiena sa patag sang pole vaulting kun diin ginakilala na ini bilang Number 2 sa World Ranking.
Naangkon ni Obiena ang World Number 2 ranking matapos makaagum sang 1,432 ranking points – apat ka puntos ang labaw sa iya gintal-usan nga American pole vaulter nga si Chris Nilsen.
Samtang nagapabilin naman sa Number 1 spot ang Swedish nga si Mondo Duplantis nga may ranking score nga 1,569.
Ginapasalamatan naman ni EJ ang tanan nga nagsuporta sa iya agud padayon nga malambut ang iya handum.
“Thank you to everyone who made this possible, and my deepest gratitude to those who went to war so that I could continue this dream. This is not just my accomplishment alone, but everyone’s,” pahayag ni Obiena.
“Maraming salamat Pilipinas sa pagkakataon na iwagayway ang iyong diwa,” dugang pa sang pole vault star.
Madumduman nga ginkilala man si Obiena bilang back-to-back Asian champion matapos makuha ang gold medal kag malapawan ang Asian record sa 2023 Asian Athletics Championships sa Bangkok, Thailand sang Hulyo 16, 2023.
Congratulations, EJ!
