Patay ang isa ka 2-anyos nga bata matapos gina-alegar ginkuga sang kaugalingon nga iloy nga isa ka drug-user sa Barangay Talaba 1, Bacoor City, Cavite.
Base sa report sang kapulisan sang Region 4A, ginkilala ang iloy sa kay Rhina Maninang, 25-anyos, nga ginatudlo sang iya live-in partner nga nagpatay sa ila bata sa ila kuwarto takna las syete sang aga sang Martes, Hulyo 18, 2023.
Nahibaluan nga nasaksihan pa sang utod ang pagkuga sa 2-anyos sang ila iloy.
Gindala na sa city jail ang iloy kag nagapang-atubang ini sang kaso nga “parricide.”
“Drug-related is the motive being considered in this case considering that the suspect is a drug-user,” pahayag sang kapulisan.
Apang wala pa mahibaluan kun yara sa impluwensya sang iligal nga droga ang iloy sang magluntad ang insidente.
