Viral ang isa ka ramen shop sa Yunlin, Taiwan bangud sa pinasahi sini nga subak.
Masami nga ginasubak sang kalabanan sa ramen amo ang baboy, itlog, isda, mushrooms, kag iban pa nga nagkalain-lain nga sahi sang utan ukon panakot.
Apang katingalahan kag pinasahi ang Yuan Ramen bangud paka ang highlight sang ila “Frog Frog Frog Ramen” nga nagabalor sang NT$250 ukon masobra P430.
Suno sa tag-iya sang ramen shop, normal ang pagluto kag pagkaon sang paka sa ila nga lugar, rason kun ngaa napinsaran nila maghimo sang ramen nga may paka.
Nahibaluan nga wala ginapanitan ukon ginagulot ang paka nga ila ginasubak sa ramen.